[intern 入門] 實習選擇指南
又到咗呢個初夏嘅時分，除咗係facebook上面各位med5同學熱烈慶祝final MB合格係咁叫人叫佢做醫生嘅同時，亦都係我哋現任houseman快將完成我哋嘅歷史任務，可以做返個人嘅時候啦！
其實我上年呢個時候都未係好清楚究竟呢一年會係點嘅光景，點樣揀水，點樣做houseman，我果陣都係一頭霧水。希望呢個post會俾到啲idea你哋去準備呢個畢生難忘嘅一年啦！
1. Why
喺正式做houseman之前我提議你可以諗下你自己嘅定位，諗下自己究竟想喺呢一年得到啲乜嘢。你希望一年後你成為一個點樣嘅醫生？當然啦唔通人對自己嘅要求唔同，離開咗醫學院出到嚟實戰就無人俾個curriculum你，好多時學唔學到嘢係睇你自己。
我個人就覺得呢一年雖然書本上嘅知識未必可以維持返med5嘅水準，但係最大嘅得著就係實戰經驗。從前所有嘢都係紙上談兵，最多咪俾個假人你玩下，但係今年唔同喎，乜嘢AF呀，AECOPD呀，CHF呀，甚至cardiac arrest CPR都係一個個活生生嘅病人，而唔再係考試卷上嘅問題。
你願意付出幾多，你就會學到幾多，得著幾多，而呢啲就會決定到你係一個點樣嘅MO。
2. What
雖然有好多唔同嘅專科，但係會有houseman嘅只係有內外婦兒骨 +／－ 精神科。四水入面，一定要有一水內科，一水外科，另外兩水要有一水係medical stream，一水係surgical stream。骨科明顯地係屬於surgical stream，而兒科就喺medical stream，婦產科屬於百搭。做surgical stream少不了坐下OT拉下爬，medical stream就少不了惹上flu／GE咁啦...
至於剩低兩水應該點揀，其實都好個人嘅。有人鍾意做surgical，可以做多水surgical／ortho；有人鍾意exposure，婦／兒／骨取其兩水亦有。有人認為做兩水medical可以練好啲基本功，因為無論你將來做邊科，你都會遇到medical problem，第日做MO唔駛下下consult medical x hypertension／hyperglycaemia／hyponatraemia／AF......
個人認為ortho係十分值得做嘅一水，原因你懂的。一開波做可以比你慢慢上手學嘢，冬天做又有避險功能，最尾一水做又可以輕鬆收尾，講講下好似做ortho真係無得輸。
最後一提精神科有如迷一樣存在，無人知佢要做乜，但係人人都認為佢好似無乜嘢做。一年四個houseman，每水一個，HKU／CUHK各佔兩人，我覺得抽中咗基本上都已經用盡你一世人嘅運氣架啦，除非你識人有窿路啦，如果唔係都係實際啲唔好咁大想頭喇。
3. When
基本上一年有四個rotation，又稱為四「水」，每三個月為一水，由七月至九月，十月至十二月，一月至三月，同埋最後一水四月至六月。我寫埋出嚟幾月到幾月嘅原因，唔係因為我覺得你哋蠢唔識計，而係因為呢樣嘢非常重要！
基本上第一二水啱啱上手，做嘢慢，係學習點做houseman嘅時候。有人鍾意一嚟就cher盡，先苦後甜，加上夏／秋天其實相對上比較少case，辛苦極有限；有人就覺得慢慢由淺入深咁增加難度同工作量都係一個唔錯嘅策略，所以都係見仁見智啦。但係另一方面頭半年都係爭取表現嘅時候，因為大家見工嘅時間通常都係第三水，而好多unit都只會請啲喺佢哋unit做過嘅houseman。此外你手頭上第一二水嘅evaluation可能對你見工十分重要。所以大家考慮點樣安排你嘅心水rotation嘅時候一定要留意唔好將你心儀嘅水放到第四水（第三水都ok嘅，不過無咁穩陣囉）。
第三水其實就係著名嘅winter surge，如果你好似我咁winter surge先嚟做medical你將會獲益良多，收ventilator case／fever／AECOPD 真係特別多，而整體caseload真係特別大，加床加到走廊又係人，洗手盆前邊都係人，摺床周圍都係。有人會覺得如果你喺嗰個部門捱得過winter surge，你做MO都唔會有太大問題。另一樣造成winter surge特別辛苦嘅原因就係一至三月都係見工嘅時分，當你個部門有人去見工，即係你嘅workload都會大咗，雖然大家都會互相cover，但係有時都可以令人做到踢晒腳架！
4. Where
當然啦揀一間近你屋企嘅醫院可以節省唔少上下班嘅通勤時間。除咗地理上嘅分別外，我會將啲醫院大致上可分做兩種，第一種係teaching hospital，即係威記同瑪麗；第二種係peripheral hospital；而peripheral hospital又可以再以規模（i.e. houseman嘅人數）細分為大院或者細院。
我做過三水教學醫院，主觀上覺得繁文縟節比較多，一日n次巡房／grandround／academic meeting等等，但係有心學的確會學到唔少嘢，而且有比較多表演機會present甚至寫paper。當然啦教學醫院又會多啲大國手，先進啲嘅技術同新藥，如果有意做academic跟隨名師學藝，做呢兩間議員當然係不二之選。唔好處就係大家嘅expectation又會高啲，要花唔少時間畀面服侍老細，以我觀察所得，一開始換水嘅時候大部份人都係對教學醫院敬而遠之嘅......
而另一方面peripheral就冇咁多教學嘅成份，但係都唔代表你學唔到嘢，認真我大部份嘅bedside procedure都係peripheral學返嚟。好多人都覺得peripheral caseload大，容易啲練到一身好武功，afterall有人教你做但係無機會俾你做都無意思。Peripheral 嘅 hierarchy都無咁犀利，唔會下下都有人用咩咩professor咩咩consultant嚟噠人。
每個unit當然都會有啲細微嘅分別啦，例如postcall half day off呀，call房呀，有乜野食呀咁啦，詳情可以參考http://nikekclau.blogspot.hk/2015/03/2014-2015-internship-feedback-survey.html
5. Who
做houseman除咗要對病人之外，仲要同你嘅senior，其他houseman，護士，HCA等等同事相處。除非你有個別偶像想追隨，如果唔係同邊個做同事基本上無得揀，但係你有權決定點樣對你呢班出生入死嘅手足。我好慶幸我每一水都遇著好多好好嘅同事，除咗工作上可以一齊諗一齊捱之外，仲可以一齊吹水食飯食nightfood！有啲人仲有機會認識到佢嘅另一半添！
6. How
除咗做houseman之外，你要記住你都係你父母嘅仔女，你伴侶嘅另一半，所以即管工作辛苦你都盡量唔好忽略佢哋太多。你自己個人嘅發展都好重要。如果我係老細，我請人唔係請你個CV，而係請一個有生活有靈魂嘅人。雖然呢一年嘅非人生活的確令人精神同肉體上都好疲累，但係有機會嘅都盡量抽時間保養下副偈，自我增值下，睇下書，學下理財，做一啲自己鍾意嘅嘢，去下旅行，煮下飯仔，幾充實又可以減壓。
總結
其實呢一年過得好快，正所謂最黑嘅call都有完嘅一刻，捱完一年後又係一條好漢。呢一篇文都打咗我好耐啦，希望可以俾到個idea你認識到呢一年你會面對嘅挑戰，幫你選擇到你想行嘅道路啦！
最尾提供幾份對houseman好有用嘅source，你知道去邊度搵嫁喇，對面海／外國嘅同學就問下你啲同事啦 ：P
其實我上年呢個時候都未係好清楚究竟呢一年會係點嘅光景，點樣揀水，點樣做houseman，我果陣都係一頭霧水。希望呢個post會俾到啲idea你哋去準備呢個畢生難忘嘅一年啦！
大家有興趣可以睇下呢段好有歷史同鼓勵性嘅片，當中都有好多熟悉嘅面孔。20年前嘅med5，都同我哋一樣經歷過同一個階段，考過MB，做過houseman。今時今日好多都成為咗獨當一面嘅教授或者顧問醫生。嚟緊呢一年的而且確會改變你對自己同埋對呢個職業嘅睇法，希望呢一段片可以啟發你思考下你嚟緊一年到底想獲得啲乜嘢。
1. Why
喺正式做houseman之前我提議你可以諗下你自己嘅定位，諗下自己究竟想喺呢一年得到啲乜嘢。你希望一年後你成為一個點樣嘅醫生？當然啦唔通人對自己嘅要求唔同，離開咗醫學院出到嚟實戰就無人俾個curriculum你，好多時學唔學到嘢係睇你自己。
我個人就覺得呢一年雖然書本上嘅知識未必可以維持返med5嘅水準，但係最大嘅得著就係實戰經驗。從前所有嘢都係紙上談兵，最多咪俾個假人你玩下，但係今年唔同喎，乜嘢AF呀，AECOPD呀，CHF呀，甚至cardiac arrest CPR都係一個個活生生嘅病人，而唔再係考試卷上嘅問題。
你願意付出幾多，你就會學到幾多，得著幾多，而呢啲就會決定到你係一個點樣嘅MO。
2. What
雖然有好多唔同嘅專科，但係會有houseman嘅只係有內外婦兒骨 +／－ 精神科。四水入面，一定要有一水內科，一水外科，另外兩水要有一水係medical stream，一水係surgical stream。骨科明顯地係屬於surgical stream，而兒科就喺medical stream，婦產科屬於百搭。做surgical stream少不了坐下OT拉下爬，medical stream就少不了惹上flu／GE咁啦...
至於剩低兩水應該點揀，其實都好個人嘅。有人鍾意做surgical，可以做多水surgical／ortho；有人鍾意exposure，婦／兒／骨取其兩水亦有。有人認為做兩水medical可以練好啲基本功，因為無論你將來做邊科，你都會遇到medical problem，第日做MO唔駛下下consult medical x hypertension／hyperglycaemia／hyponatraemia／AF......
個人認為ortho係十分值得做嘅一水，原因你懂的。一開波做可以比你慢慢上手學嘢，冬天做又有避險功能，最尾一水做又可以輕鬆收尾，講講下好似做ortho真係無得輸。
最後一提精神科有如迷一樣存在，無人知佢要做乜，但係人人都認為佢好似無乜嘢做。一年四個houseman，每水一個，HKU／CUHK各佔兩人，我覺得抽中咗基本上都已經用盡你一世人嘅運氣架啦，除非你識人有窿路啦，如果唔係都係實際啲唔好咁大想頭喇。
3. When
基本上一年有四個rotation，又稱為四「水」，每三個月為一水，由七月至九月，十月至十二月，一月至三月，同埋最後一水四月至六月。我寫埋出嚟幾月到幾月嘅原因，唔係因為我覺得你哋蠢唔識計，而係因為呢樣嘢非常重要！
基本上第一二水啱啱上手，做嘢慢，係學習點做houseman嘅時候。有人鍾意一嚟就cher盡，先苦後甜，加上夏／秋天其實相對上比較少case，辛苦極有限；有人就覺得慢慢由淺入深咁增加難度同工作量都係一個唔錯嘅策略，所以都係見仁見智啦。但係另一方面頭半年都係爭取表現嘅時候，因為大家見工嘅時間通常都係第三水，而好多unit都只會請啲喺佢哋unit做過嘅houseman。此外你手頭上第一二水嘅evaluation可能對你見工十分重要。所以大家考慮點樣安排你嘅心水rotation嘅時候一定要留意唔好將你心儀嘅水放到第四水（第三水都ok嘅，不過無咁穩陣囉）。
第三水其實就係著名嘅winter surge，如果你好似我咁winter surge先嚟做medical你將會獲益良多，收ventilator case／fever／AECOPD 真係特別多，而整體caseload真係特別大，加床加到走廊又係人，洗手盆前邊都係人，摺床周圍都係。有人會覺得如果你喺嗰個部門捱得過winter surge，你做MO都唔會有太大問題。另一樣造成winter surge特別辛苦嘅原因就係一至三月都係見工嘅時分，當你個部門有人去見工，即係你嘅workload都會大咗，雖然大家都會互相cover，但係有時都可以令人做到踢晒腳架！
4. Where
當然啦揀一間近你屋企嘅醫院可以節省唔少上下班嘅通勤時間。除咗地理上嘅分別外，我會將啲醫院大致上可分做兩種，第一種係teaching hospital，即係威記同瑪麗；第二種係peripheral hospital；而peripheral hospital又可以再以規模（i.e. houseman嘅人數）細分為大院或者細院。
我做過三水教學醫院，主觀上覺得繁文縟節比較多，一日n次巡房／grandround／academic meeting等等，但係有心學的確會學到唔少嘢，而且有比較多表演機會present甚至寫paper。當然啦教學醫院又會多啲大國手，先進啲嘅技術同新藥，如果有意做academic跟隨名師學藝，做呢兩間議員當然係不二之選。唔好處就係大家嘅expectation又會高啲，要花唔少時間畀面服侍老細，以我觀察所得，一開始換水嘅時候大部份人都係對教學醫院敬而遠之嘅......
而另一方面peripheral就冇咁多教學嘅成份，但係都唔代表你學唔到嘢，認真我大部份嘅bedside procedure都係peripheral學返嚟。好多人都覺得peripheral caseload大，容易啲練到一身好武功，afterall有人教你做但係無機會俾你做都無意思。Peripheral 嘅 hierarchy都無咁犀利，唔會下下都有人用咩咩professor咩咩consultant嚟噠人。
每個unit當然都會有啲細微嘅分別啦，例如postcall half day off呀，call房呀，有乜野食呀咁啦，詳情可以參考http://nikekclau.blogspot.hk/2015/03/2014-2015-internship-feedback-survey.html
5. Who
做houseman除咗要對病人之外，仲要同你嘅senior，其他houseman，護士，HCA等等同事相處。除非你有個別偶像想追隨，如果唔係同邊個做同事基本上無得揀，但係你有權決定點樣對你呢班出生入死嘅手足。我好慶幸我每一水都遇著好多好好嘅同事，除咗工作上可以一齊諗一齊捱之外，仲可以一齊吹水食飯食nightfood！有啲人仲有機會認識到佢嘅另一半添！
6. How
除咗做houseman之外，你要記住你都係你父母嘅仔女，你伴侶嘅另一半，所以即管工作辛苦你都盡量唔好忽略佢哋太多。你自己個人嘅發展都好重要。如果我係老細，我請人唔係請你個CV，而係請一個有生活有靈魂嘅人。雖然呢一年嘅非人生活的確令人精神同肉體上都好疲累，但係有機會嘅都盡量抽時間保養下副偈，自我增值下，睇下書，學下理財，做一啲自己鍾意嘅嘢，去下旅行，煮下飯仔，幾充實又可以減壓。
總結
其實呢一年過得好快，正所謂最黑嘅call都有完嘅一刻，捱完一年後又係一條好漢。呢一篇文都打咗我好耐啦，希望可以俾到個idea你認識到呢一年你會面對嘅挑戰，幫你選擇到你想行嘅道路啦！
最尾提供幾份對houseman好有用嘅source，你知道去邊度搵嫁喇，對面海／外國嘅同學就問下你啲同事啦 ：P
- Handbook of Internal Medicine 2011
- Surviving As a Surgical Intern
- Medical Housemanship Made Easy
- Management of common medical problems
- Common treatment orders 2014
- Pocket_Medicine_5th
- Survival Guide Internship 2015
留言
張貼留言