Doctor in Training

讀書嘅時候，neuro嘅PE我覺得係為內科四大system（其餘為abdominal，cardi，respi）之中最難掌握好嘅一門學問。佢嘅難處在於唔似其他系統嘅sign通常都比較容易理解，有冇hepatomegaly，有冇murmur，有冇wheeze等等都係比較客觀嘅sign，而又相對容易interpret；而neuro就係做完一大餐exam之後，重要諗諗諗去組織究竟點樣interpret啲signs。你捉到個sign都要識脫角先有用。回想當時上某教授（佢都喺呢個blog出現過XD）嘅bedside或者lecture，每次都獲益良多，除咗學手勢，重要學諗嘢嘅方法，點樣做只係基本要求，點樣諗先係精髓所在。 今日趁年尾又差唔多要進入大直路準備考final MB嘅時間啦，又介紹一個無論student或者in practice醫生都會啱用嘅neurology app－Neuro Localizer. 簡單嚟講呢個由The University of Michigan設計嘅app就係可以俾你輸入病人嘅clinical signs／symptoms而佢會幫你推斷出病人邊度有問題。

Winter Surge 又到啦，各位有幸抽中第三水做medical嘅houseman又可以一展你哋抽ABG嘅技巧啦！想當年小弟一月一日就oncall，仲要得兩個人坐晒成間中型醫院嘅內科病房，做到夜晚都未抽得切朝早order嘅ABG，真係令人懷念......

Apple iTunes Version Google Play Store for Andriod 一年幾前考完final MB嘅時候，其中一樣最大嘅變化，就係見到病人嘅時候嘅開場白。講左三年嘅「你好，我係山區大學五年級醫科生」一夜之間變做「你好，我係__醫生」（我唔信你無見過呢句嘢喺你facebook 出現過！）當然，除咗能力越大，責任越大之外，出到來實戰所需要嘅知識都略有分別。除咗書之外，電話app都係一個常用嘅幫手。呢度第一個要介紹嘅app就係Calculate by QxMD。

The Pocketbook for PACES (2012) $480 以考試用書來講，質素高，輕巧得來內容豐富（well最少豐富到我到依家都未睇晒），都係一個唔錯嘅選擇，但係$480就貴咗少少。

Patient care is our first priority. But do protect yourself first in any circumstances, even in life-threatening situations.  Never abandon your teammate(s) in the battlefield.  Be grateful if someone helped you. No one has the obligation to help you do your job.  Inform your partner if you have any issue left for them, even it is just an IV cannula.  Take care of yourself. Eat, drink, toilet, sleep prn. People are what matter. A good relationship with your colleagues (and patients!) will turn any hell into heaven.  Sometimes things do not make sense. Do not take those issues too personally. After all they are just one snapshot of your career.  Sometimes the right thing to do isn't always the thing being done. That's when your common sense and clinical judgement come into value. The right thing to do usually involves more time expenditure, especially in the middle of the night. Try to learn from your colleagues and patients. Your c

CMS有個功能可以喺個investigation度 set personal folder，如果想有飯食或者有覺瞓的話請setup 請善用group order function （例如收症／tap 完肺／肚來來去去都係send 個幾樣嘢），group咗一click就可以出晒 以下列表只作參考之用，並無包括全部investigation，請按實際臨床／MO 需要order urine/CSF/pleural fluid/ascitic fluid記住要pair up番個blood sample（例如glucose／protein） 做完procedure要send嘅嘢都係biochem／anatomical and cellular path／microbio 唔同醫院嘅CMS都會有唔同items，有時有啲test無，特別嘅test可能要手寫

身為一個醫生，抽血係必備技能。通常要houseman抽嘅血都係不外乎ABG／culture／type and screen；另外有時有啲病人特別難抽血，例如IVDU／renal都可能會需要houseman抽。有啲地方比較奇怪係連venous blood gas 都要houseman抽，我真係百思不得其解。

抽arterial blood呢樣嘢真係醫生必備技術，因為除咗medical之外，surgical／ortho／O&G 都會有要睇blood gas嘅時候，winter surge做medical真係抽到手軟...... 【23／6／2015】聲明： 本文並無意教導houseman胡亂抽arterial blood。 抽血當然係以venous blood為先， 抽V血Needle－stick嘅風險比A血低，而且對病人嚟講通常都無咁痛，因此 如非必要我都唔建議抽A。 arterial blood只會係喺抽唔到venous blood嘅情況下先至會抽，例如搵唔到vein或者已經 試咗好多針都無辦法。 但係同時 我認為身為houseman嘅責任就係要確保必要時抽 到必要嘅血，例如有病人GI bleed到circulatory collapse無辦法搵到vein抽血，除咗blind試之外，抽A血都總好過等MO嚟你同佢講你乜血都抽唔到，無T＆S，無CBC，無clotting......因此學會如何正確地抽arterial blood係十分重要嘅。

又到咗呢個初夏嘅時分，除咗係facebook上面各位med5同學熱烈慶祝final MB合格係咁叫人叫佢做醫生嘅同時，亦都係我哋現任houseman快將完成我哋嘅歷史任務，可以做返個人嘅時候啦！ 其實我上年呢個時候都未係好清楚究竟呢一年會係點嘅光景，點樣揀水，點樣做houseman，我果陣都係一頭霧水。希望呢個post會俾到啲idea你哋去準備呢個畢生難忘嘅一年啦！ 大家有興趣可以睇下呢段好有歷史同鼓勵性嘅片，當中都有好多熟悉嘅面孔。20年前嘅med5，都同我哋一樣經歷過同一個階段，考過MB，做過houseman。今時今日好多都成為咗獨當一面嘅教授或者顧問醫生。嚟緊呢一年的而且確會改變你對自己同埋對呢個職業嘅睇法，希望呢一段片可以啟發你思考下你嚟緊一年到底想獲得啲乜嘢。

Set 豆係一個醫生一定要識嘅技巧，有啲unit就一定係要houseman打豆，而有啲unit就由護士或者抽血姑娘負責，但係難打嘅豆都係要醫生出馬架啦，況且打豆嘅原理其實同好多其他medical procedures好相似，例如抽肺水／肚水／骨髓／脊髓液／打central line／A line，都係吉支針落去，抽啲嘢出嚟，+／－放條喉落去咁囉，所以只要你master到打豆，其他嘅procedure都係大同小異。

其實final MB真係一個只要大家互相合作就會贏嘅遊戲，有source大家分享下咪大家都識多啲成班一齊叻！其實我都要多謝好多開心share唔同source比我嘅同學們。期望好快就可以同大家合作做嘢啦！ 利申：我唔係咩丁人，所以要丁就唔好學我啦 ：P

多謝各準MO賞面回覆之前小弟設立嘅問卷調查，以下就係我哋嚟2014／15經歷過各大醫院嘅內外婦兒骨嘅internship後得出嘅意見。 呢句咁熟悉嘅對白，咁熟悉嘅人...... 事先聲明： 此文件只供準醫生個人使用，請勿分享外傳予其他人士。 本調查內容為各準MO慷慨提供，乃屬其個人意見，並不代表本人立場。 調查以匿名問卷進行，其內容之真確性並未有充分證據支持。 有云「甲之熊掌，乙之砒霜」，不同人對不同水有不同體會，文件內容只供參考。 選擇Houseman水涉及風險，每水之評價可升可跌，每水houseman嘅職責都可以唔同。 如各位準Houseman打算參考此文件之內容作出決定時，必須明白其風險及附上全部責任。 如閣下同意此聲明內容，歡迎瀏覽及使用此文件，May the odds be ever in your favour.